Domingo, 24 de Maio de 2009

PROBÉRBIOS DE MAIO

 

 

DITOS  DE  MAIO

(eiditado eiqui l die 25 de Maio de 2008 por las 00h06)

Auga de Maio, pan para todo l anho. L més parece que ben de feiçon yá que ten chobido l neçairo i que l’auga ten feito mui bien a todo. Las binhas lhieban buonas ubas, ls panes ban bien granados i bien criados i las huortas ban-se ponendo, mas las mais tardiegas inda nun ye tarde i las de cedo yá ténen l fruito a crecer.

 

 

Ls panes ban bien criados

Abril spiguil i Maio granaio, nun hai dúbedas de que an Abril las spigas nacírun bien i agora stan a granar inda melhor. Puode parecer que esto son cousas sien anteresse, mas todo l pobo que nun ten memória i nun sabe las cousas primárias, nun puode antender las mais defíceles. Beio muita giente que quier mostrar sabedorie, mas que nin sabe donde ben l pan.

 

 

L pan bai bien granado

Ne l més de Maio yá habie granicos an muitas plantas i nós ls garotos andabamos por ende a la porcura de las mil i ua hierbas que tenien granicos que se podíen comer. Mas ls de la cebada éran ls que sabien melhor. Habie un dito que era mui anteressante i que mostraba l que era an termos de lhibardade l més de Maio, quando benie de feiçon. Yá hai granicos, merda pals ricos.

 

 

Este trigo ten muito centeno

Hoije yá se sembra mais para l ganado, que para colher ls granos para fazer pan. Cumo podeis ber este trigo ten muito centeno misturado, mas cumo ye para raçones nun hai grande porblema. Datrás l centeno que nacie ne meio de l trigo era para atar ls manolhos. De ls manolhos de centeno sacában l mais cumprido para fazer l cuolmo de que se anchíen las albardas i ls colchones. Era tamien cun l cuolmo que se chamuscaba l cochino.

 

 

Las spigas

La bida datrás era defícele, mas nun bamos a ber solo mal an todo i a querermos ser ls melhores i ls únicos que bemos las deficuldades de la giente datrás, porque hoije inda hai cousas eiguales ou piores i agora tenemos mais cundiçones para las poder eibitar.

 

publicado por mirandum às 00:06
link | comentar | favorito

mais sobre mim

pesquisar

 

Agosto 2012

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
28
29
30
31


posts recentes

PROBÉRBIOS DE MAIO

arquivos

Agosto 2012

Julho 2011

Outubro 2009

Junho 2009

Maio 2009

Maio 2008

Abril 2008

Outubro 2007

Setembro 2007

Agosto 2007

Julho 2007

Junho 2007

tags

albardeiro

almendra

aranda do douro

bino

cultura

duas igrejas

facundo_cabral

folclore

fonte aldeia

jose luis almendra

lhaços

maio

miranda

miranda do douro

mirandes

mogadouro

oficios

palaçoulo

paloteo

pauliteiras

pauliteiras"

pauliteiros

provérbios

sendim

valcerto

todas as tags

links

estatisticas web

Estatisticas de visitas web gratis www.mirandum.blogs.sapo.pt
Ofertas de empleoSubastasAuctionsClasificadosGuía webCoches
blogs SAPO

subscrever feeds

Em destaque no SAPO Blogs
pub